Ұлттық құндылықтарды дәріптеп, отандық өнімдердің қолжетімділігін арттыру бағытында жұмыс істеп келе жатқан «Адал Ас» компаниясының «Абай елінен сарқыт» дүкендер желісі тағы бір сауда нүктесімен толықты. Жаңа нысанның ресми ашылуы — ұлттық өнімдерді тұтынушыларға кеңінен ұсыну жолындағы маңызды қадам.
«Абай елінен сарқыт» атауының өзі терең мағынаға ие. Бұл ұғым молшылықты, берекені, қонақжайлықты және ортақ қуанышты бейнелейді. Дүкен атауы да осы ұлттық болмысты айшықтап, халқымыздың бай мәдени мұрасын заманауи сауда кеңістігімен ұштастырады.
«Адал Ас» компаниясының басты бағыттарының бірі — сапалы ұлттық өнімдерді көпшілікке ұсыну, отандық өндірушілерді қолдау және тұтынушылардың төл өнімдерге деген қызығушылығын арттыру. Жаңа сауда нүктесінің ашылуы осы мақсаттарды жүзеге асыруға мүмкіндік беріп, дүкендер желісінің ауқымын кеңейте түседі.
Ұлттық тағамдар мен дәстүрлі дәмдер — халқымыздың тұрмыс-тіршілігімен, тарихымен және мәдениетімен біте қайнасқан құндылықтар. Оларды сақтау, насихаттау және кейінгі ұрпаққа жеткізу — ортақ міндет. Осы тұрғыдан алғанда, «Абай елінен сарқыт» дүкенінің тағы бір нүктесінің Семейден ашылуы тек сауда саласындағы жаңалық қана емес, ұлттық өнімдерге деген сұранысты арттыруға бағытталған игі бастама. Жаңа сауда нүктесі құтты болсын! Кәсіптің өрісі кеңейіп, тұтынушылар қатары көбейіп, әр шаңырақтың дастарқаны ұлттық дәм мен берекеге тола берсін! Мекенжайы: Семей қаласы, ABAI сауда орталығы, Қарқаралы көшесі, 22а.
